2023-cü ilin 6 ayı ərzində atıcılıq üzrə Milli Yığma Komandanın idmançıları 12 fərqli beynəlxalq yarışlarda iştirak edərək, 8 medal (3 qızıl, 3 gümüş, 2 bürünc) qazanmışlar.
Beynəlxalq yarışlarda yığma komandanın 28 idmançısı iştirak etmiş və onlardan 5 nəfəri medal qazana bilmişdir (Ruslan Lunev, Xanna Əliyeva, Emin Cəfərov, Fuad Qurbanov, Cavid Həsənov) yuxarıda qeyd olunan medalları əldə etmişlər.
Medallardan 3-ü (1 gümüş, 2 bürünc) Dünya Kuboklarında, 1-i (1 gümüş) Avropa Çempionatında 4-ü (3 qızıl, 1 gümüş) Qran-Pri və digər beynəlxalq turnirlərdə qazanılmışdır.
Komandanın 10 idmançısı Polşada keçirilən 3-cü Avropa Oyunlarına lisenziya qazanaraq, 2023-cü ilin iyun-iyul aylarında yarışlarda iştirak etmişdir (1-ci və 2-ci Avropa Oyunlarında Azərbaycan Atıcılıq Federasiyası altı lisenziya ilə iştirak etmişdir).
Xüsusi qeyd etmək lazımdır ki, Avropa Çempionatında (Estoniya) fərdi təsnifatda ikinci yeri qazanmış idmançımız Ruslan Lunev ölkəmizə 2024-cü ildə Parisdə keçiriləcək Olimpiya Oyunlarına ilk lisenziyanı əldə etmişdir.