Atıcılıq Üzrə 53-cü Dünya Çempionatı 2023
Bu yay dünya idman ictimaiyyətinin gözləri Azərbaycanda olacaq! Paris 2024 Yay Olimpiya Oyunlarına ən çox lisenziya oynanılacaq Atıcılıq üzrə 53-cü Dünya Çempionatı Bakıda baş tutacaq.
Yarışlara dünyanın 100-dən artıq ölkəsindən 1500-dək idmançının qatılacağı gözlənilir.
53-cü Dünya Çempionatının maskotu seçilmiş Targy – olimpiya nişanı, nar, hədəf və atıcı görüntülərinin vəhdətindən yaranmış simvoldur. Kökündə ingiliscə “target” – “hədəf” sözü dayansa da, özündə birləşdirdiyi simvolların xarakterini daşıyır. Targy qarşısına qoyduğu hədəfə çatmaq üçün enerji ilə doludur. O, çempionat iştirakçılarını “Hədəfini vur!” şüarı ilə mübarizəyə və qələbəyə ruhlandırır.
Atıcılıq üzrə Dünya Çempionatının açılış mərasiminə biletlər i-ticket.az platformasında satışdadır. Bu möhtəşəm tədbiri izləmək üçün yerinizi tutmağa tələsin!
