Bakı Dünya Kubokuna dəyişikliklər necə tənzimlənəcək?
Beynəlxalq Atıcılıq İdmanı Federasiyası stend atıcılığı üzrə mövcud qaydaların optimallaşdırılması ilə bağlı bir neçə təklif alıb. Təkliflərin məqsədi yarışları bütün iştirakçılar üçün daha ədalətli və aydın, tamaşaçılar üçün cəlbedici etməkdir.
Xüsusilə, VAR, Heyətlərin Püşkatması və Marker Lenti qaydaları diqqətdədir. Təklif olunan düzəlişlər dünya kuboku yarışlarının təşkilatçıları ilə razılaşdırıldıqdan sonra Azərbaycanın paytaxtında sınaqdan keçiriləcək. Sınaqların nəticəsindən asılı olaraq, 2024-cü ildə keçiriləcək Paris Yay Olimpiya Oyunları başlamazdan əvvəl müvafiq qaydalara dəyişikliklər edilə bilər.
Xatırladaq ki, Atıcılıq üzrə Dünya Kuboku 27 May-7 İyun tarixlərində Bakı Atıcılıq Mərkəzində keçiriləcək.
Biletləri Iticket rəsmi saytından və bilet satışı məntəqələrindən əldə edə bilərsiniz.