İdmançımız Ruslan Lunyovun qələbə səsi bu səfər Sloveniya turnirindən gəlib.
Bu il yanvarın 14-də Sloveniyanın Ruşe şəhərində atıcılıq üzrə ISSF Qran-Pri turniri keçirilib. Yarış iştirakçıları arasında dünyanın tanınmış atıcıları, dünya və Avropa çempionları, Olimpiya oyunlarının qalibləri qələbə uğrunda mübarizə aparıblar. Yarışda ölkəmizin atıcılıq üzrə milli komandası da iştirak edib. Hər mübarizəsində qızıl medalla geri dönən Milli komandanın tərkibində mübarizə aparan daxili işlər orqanlarının idmançı əməkdaşları bu turnirdə də öz məharətlərini göstərib.
Belə ki, komandanın tərkibində mübarizə aparan DİN Daxili Qoşunlarının hərbi qulluqçusu kapitan Ruslan Lunyov öz sərrastlığını nümayiş etdirərək pnevmatik tapançadan 10 metr məsafəyə atəş açma yarışında ən yüksək xal toplayaraq turnirin qızıl medalını qazanıb.
İdmançımızı bu uğuru münasibətilə təbrik edir və qalibiyyətlərinin sonsuz olmasını arzu edirik!